Жаңалықтарды Telegram арнамыздан оқыңыз!Үкіметтің селекторлық отырысында Астананың азық-түлік белдеуі бойынша Жол картасының жобасы қабылданды. Елорда халқының саны қазірде 1 миллионнан асқан. Осынша тұрғынға қажетті азық-түлік көлемі 617 мың тонна шамасында. Осыған орай, қаладан 300 шақырым радиустағы ауыл шаруашылығы кәсіпорындары астаналықтардың сұранысына қарай жұмыс істемекші. Бұл мақсатта Ақмола облысының 17 ауданы, Қарағанды облысының 4 ауданы бойынша нақты жұмыстар бекітілді. Жол картасында қандай дақылдар және қанша көлемде егілетіні де көрсетілген.
Асқар Мырзахметов, ҚР Вице-премьері, Ауыл шаруашылығы министрі:
- Екінші мәселе, 40-тан астам қайта өңдейтін кәсіпорындардың жүктемесін ескере отырып, соларды толық көтеру үшін нақты шаралар қаралып отыр. Қаржы мәселесі шешілген. Жол картасын қабылдауға болады деп есептеймін.
Ғабит ҰЗАҚБАЙ
