Жаңалықтарды Telegram арнамыздан оқыңыз!Ақтөбе облысына Сыр елінен гуманитарлық көмек келіп жетті. 8 жүк көлігіне тиелген 60 тоннадан астам азық-түлік пен киім-кешек тасқыннан зардап шеккендерге таратылады. Жалпы, табиғаи апат кезінде 800 отбасы мен 1200 тұрғын арнайы дайындалған орындарға орналастырылды. Қазір 10 бала «Ақбөбек» оңалту орталығында емделуде, тағы 20 адам қаладағы ауруханаларға жатқызылды. Ал, бүгінге дейін комиссия саяжайдағы 2000-ға тарта үйді қарап шығып, 77 баспананың қирағанын анықтады. 30 үй судың ортасында қалғандықтан, қандай күйде екені әзірге белгісіз. Қорға 18 миллион теңге жиналған. 110 отбасыға нақты көмек көрсетілді.
Жұлдыз АЛМАСҚЫЗЫ
