Жаңалықтарды Telegram арнамыздан оқыңыз!Оңтүстік Африкада сафариде серуендеп жүрген әртіс Арнольд Шварценеггердің көлігіне піл шабуылдады. Калифорнияның бұрынғы губернаторы фидеоны Tуиттердегі парақшасында жария етті, деп хабарлайды ресейлік ТАСС агенттігі.
«Мен бұл оқиғаны киноға арнап түсірсем де әсерлі етіп орайластыра алмас едім. Біразымыз қорыққанымыздан шалбарымызды ауыстыра жаздадық», - деп жазды Шварцнеггер.
«Осындай ғажап жануарларға сүйсіне қараймын, - дейді Голливуд жұлдызы. - Мен оларды адамдардың піл сүйегін алу үшін жоюына қарсымын».
Еске сала кетсек, Шварцнеггер Оңтүстік Африкада өзінің атымен аталып өткізіліп жатқан Arnold Sports Festival мультиспорттық жарыстар фестиваліне қатысуда.
