Жаңалықтарды Telegram арнамыздан оқыңыз!Қоғамда қызу талқыланып жатқан жер мәселесіне қатысты Маңғыстау облыстық штабы құрылды. Бұл туралы өңір әкімі Алик Айдарбаев Түпқараған ауданында өткен қоғамдық кеңестің көшпелі отырысында мәлім етті. Жиынға қатысушылар мәселеге қатысты сан алуан пікір білдірді. Мәселен біреулер жерді жалға бермес бұрын, шаруаны кемі үш жыл сынап көруді ұсынды. Енді бірі инвесторлардан түбегейлі бас тарту керектігін алға тартса, келесісі жерді игеруге рұхсат ету үшін бақылауды күшейту керектігін айтты.
