Астанада «Дарын» мемлекеттік жастар сыйлығы тапсырылды - «Qazaqstan» Ұлттық телеарнасы

Астанада «Дарын» мемлекеттік жастар сыйлығы тапсырылды

30.12.2014
Астанада «Дарын» мемлекеттік жастар сыйлығы тапсырылды

«Журналистика» аталымында «Қазақстан» Ұлттық телеарнасының Қытайдағы меншікті тілшісі Дәурен Омаров және тележүргізуші Рахат Жақсыбай, ал «Әдебиет» аталымында Ерлан Жүніс озық шықты.

«Эстрада» аталымы бойынша Ескендір Ибрагимов пен «Жігіттер» квартеті жүлделі болды.

«Театр және кино» аталымы бойынша «Қарашаңырақ» фильмінде басты рөлді сомдаушы Әділ Ахметов озық шықса, спортта Әлем чемпионы Данияр Елеусінов сыйлыққа лайық деп танылды.

Ал, 22 жаңалық ашып, өткен жылы үздік «Жас ғалым» атанған Қайсар Табынов бұл жолы да жүлделі болды.

10 аталымы бойынша озық шыққан лауреаттарға арнайы төсбелгі тағылып, 200 мың теңге көлемінде сыйақы берілді.

 

Әлия ӘШІМ

Хабарламаларға жазылу