Жаңалықтарды Telegram арнамыздан оқыңыз!Атырауда Ұлттық қауіпсіздік комитетіне қарасты шекара қызметінің Каспий теңізі жағалауы күзетінің сақшылары шекара аумағын бұзып, заңсыз балық аулауға шыққан 13 қазақстандық азаматты қару қолдану арқылы ұстады. Тексеру барысында, браконьерлер мінген 3 қайықтан бекіре тұқымдас балығын аулауға арналған әрқайсысы бір жарым және үш мың метрлік 18 қапқа салынған ау құралдары табылды.
Ұсталған 13 адамның барлығы Атырау облысының тұрғындары болып шықты. Олардың үстінен Қазақстан Республикасы Қылмыстық Кодексінің 2 бабы бойынша Мемлекеттік шекараны бұзғаны және бағалы бекіре тұқымдас балықты заңсыз аулағаны үшін қылмыстық іс қозғалмақшы.
Батырбек ҚУАНДЫҚҰЛЫ
