Оралда отандық ұшақ шығарыла бастады - «Qazaqstan» Ұлттық телеарнасы

Оралда отандық ұшақ шығарыла бастады

21.08.2014
Оралда отандық ұшақ шығарыла бастады

Оралда отандық ұшақ шығарыла бастады. Оның алғашқы нұсқасы өңірге келген Қорғаныс министрі Серік Ахметовке көрсетілді. Жалпы мақсаттағы әуе ұшағы Батыс Қазақстан машинақұрастыру компаниясында АҚШ-тың «Ланк-эйр» компаниясымен бірігіп шығарылған.

Бұл – көмірсутекті  шикізаттан жасалған тәжірибелі көлік. Көк жүзінде сағатына 400-500 шақырымды игереді. Ұшақтың ұшу ұзақтығы - 1300-2000 шақырым. Тиімділігі – осындай үлгідегі ұшақтар авиациялық бензинмен жүрсе, бұған керосин отыны құйылады.

Бұл – әзірге тәжірибе түрінде жасалған бірегей көлік. Егер жобаны Үкімет мақұлдап, демеуқаржы бөлсе, мұндай такси ұшақтардың түр-түрі жасалмақ. Елімізде баламасы жоқ әуе көлігі зауытта екі жыл бойына құрастырылып, былтыр тапсырылды.

Хабарламаларға жазылу