Жаңалықтарды Telegram арнамыздан оқыңыз!Бүгін Қарағанды облысының Ішкі істер департаментіне 153 қызметтік автокөліктің кілті тапсырылды. Көліктердің 50 пайызға жуығы шалғай ауылдарға жіберіледі. Сондай-ақ, «Автоураган»,- деп аталатын жаңа қуатты көліктерді полицейлер тізгіндейтін болады. Бұл қызметтік көліктер қоғамдық тәртіпті сақтауға, түрлі қылмыспен бұрынғыдан да жедел күресуге мүмкіндік береді.
Мергенбай Жаппаров, Облыстық ішкі істер департаментінің бастығы:
Жаңа автокөліктер барлық қажетті құрал-жабықтармен жабдықталған. Әсіресе, «Автоураган»,- деп аталатын мына көлік біздің облыста алғаш рет пайдаланылмақ. Көліктің бір ерекшелігі, жолда жүріп бара жатып автоматты түрде құжаты жоқ не болмаса айыппұл салынған, жолда жүруге рұқсаты жоқ машиналарды алыстан бірден анықтай алады. Тіпті, ұрланған көліктің қай жерде жасырылғанын да анықтай алатын мүмкіндігі бар.
