Көкшетаулық тұрғын есірткі сатамын деп екінші рет ұсталды

Жаңалықтарды Telegram арнамыздан оқыңыз!

Көкшетауда тұратын 1961 жылы туған азамат есірткі сатуды кәсіпке айналдырғаны үшін жазаланатын болады. Полиция қызметкерлері күдіктінің ізіне түсіп, қолға түсірді. Тінту барысында оның қалтасынан марихуана қосылған темекілер табылды.

Сондай-ақ, ұсталған азаматтың тұрғылықты мекенжайын тексеру барысында полиэтилен пакетке салынған 1 келі марихуана тәркіленді. Есірткіні сақтаумен және сатумен айналысқаны үшін қазір оның үстінен қылмыстық іс қозғалды.

Қайрат Қонақбаев, Есірткі бизнесімен күрес басқармасының бөлім басшысы:

Есірткі затымен айналысқаны үшін бұл азамат бұған дейін сотталған болатын. Тәртібі ескеріліп, мерзімінен бұрын босатылған. Алайда, ескі әдетінен арылмай, қайтадан қолға түсіп отыр.

Ерболат ТӨЛЕГЕНҰЛЫ