Жаңалықтарды Telegram арнамыздан оқыңыз!Ақтөбе облысында кәсіпкерлерді заңсыз тексеру тыйылар емес. Бақылаушы органдардың кезекпен келуі кәсіпкер ісіне кедергі келтіреді. Ал заң бұзбаған болса, санитар мамандар үш жылда бір рет тексеру жүргізуі керек.
Алайда, Қарғалы ауданының мамандары оны жыл сайынғы жоспарға енгізіпті. Ал, Ойыл ауданында мүгедек кәсіпкерлердің құқығы бұзылған. Салық Кодексінің шартына сай олар алым төлеуден босатылған.
Бірақ, мемлекеттік тіркеуге қою үшін мүмкіндігі шектеулі 5 кәсіпкерден ақы алыныпты. Облыс прокурорлары алдағы уақытта мүгедектер құқығын қорғауды күшейтпекші.
Маратбек Мырзамұратов, Ақтөбе облыстық прокуратурасы 1-басқармасының бастығы:
Сол соманы кәсіпкер мүгедектерге қайтару жөнінде шара қолданылды. Болашақта мүгедек кәсіпкердерді заңсыз тексеруге жол бермейміз.
Әлия ТАЛАСОВА
