Тарифтік реттеу туралы Заң жобасы түзілді - «Qazaqstan» Ұлттық телеарнасы

Тарифтік реттеу туралы Заң жобасы түзілді

07.02.2014
Тарифтік реттеу туралы Заң жобасы түзілді
Биыл үйлерге жылу есептеу құрылғылары түгелдей орнатылып бітуі тиіс. Табиғи монополия агенттігінің есебінше, су құбырларының 85 пайызына есептеу құрылғысы орнатылған.
 
Көппәтерлі тұрғын үйлерге ортақ есептеу қондырғысын орнату өзекті болып келген еді. Бұл міндетті биылдан бастап монополистер мойнына алып отыр. Орталық коммуникациялар қызметіне арнайы келген агенттік төрағасының орынбасарлары Асылбек Дүйсебаев пен Аманжол Алпысбаев бұдан өзге салада атқарылып жатқан жұмыстарға тоқталды.
 
Жыл басынан бері табиғи монополия субъектілерінен тарифті көтеруге қатысты 52 өтінім түскен. Оның он төрті кері қайтарылып, 20-ы бекітілген, қалған он сегіз өтінімге қатысты агенттік зерттеу жүргізуде.
 
Сала өкілдерінің айтуынша, тарифтік реттеу туралы Заң жобасы әзірленген. Жаңа құжат жобасында тарифтік смета бойынша қоғамдық мониторинг жүргізу және монополистердің өтінімін электронды негізде қабылдау қарастырылған.
 
Бибігүл ҒАДІЛБЕКҚЫЗЫ

Хабарламаларға жазылу