Жаңалықтарды Telegram арнамыздан оқыңыз!Қазақстан мен Ресейдің қорғаныс саласындағы ынтымақтастығы жандана түспек. Бұл туралы бүгін екі ел Қорғаныс министрлері кездесуінде айтылды. Ресей Федерациясы Қазақстанның әскерді кәсібилендіру ісіне елеулі үлес қосып отыр.
Дәлірек айтсақ, жыл сайын еліміздің офицерлері мен курсанттары Ресей әскери оқу орындарында біліктілігін жетілдіруге мүмкіндік алған. Сондай-ақ, кеңесте мекеме басшылары әуе шабуылдарына қарсы істің жай-күйі мен құжатты ратификацияланудан кейінгі бірлескен іс-қимылдарды талқылады.
Сергей Шойгу, Ресей Федерациясы Қорғаныс министрі:
Кездесуде Қазақстан Қарулы Күштеріне әуе кеңістігін қорғауды қамтамасыз ету үшін қажетті мөлшерде С-300 кешенін жеткізу туралы келістік. Сосын Қазақстан мен Ресей жыл сайын бірлескен оқу-жаттығу шараларын өткізіп жүр. Биыл да өтеді. Бірақ, бұрынғы тактикалық жаттығуларға қарағанда, анағұрлым ауқымды деңгейде болады.
Сәкен СЕЙІТХАНҰЛЫ
