Жаңалықтарды Telegram арнамыздан оқыңыз!Қызылордада көше қиылыстарына заманауи қондырғы яғни, лазерлі камералар орнатылуда.
«Интелектуалды қиылыс» деп аталатын бұл бағдарлама бағдаршамның тыйым салынатын белгісі жанғанда өтіп кету, тоқтау сызығын басып өту, жолдың қарсы бағытына шығу сияқты жол ережелерін бұзғандарды автоматты түрде таспаға түсіріп, көліктің кімге тиесілі екендігін анықтайды.
Жол ережесін бұзған азаматқа құқық бұзу фактісі бойынша ұйғарым шығарылып, «Қазпочта» қызметі арқылы нақтыланған мекенжайға жіберіледі. Өзінің жол ережесін бұзғаны туралы анықтамамен танысқан жүргізуші 30 тәулік мерзім ішінде айыппұлын төлеуге міндетті.
Раушан Шоқаева, ОІІД Әкімшілік полиция басқармасының аға инспекторы:
Осы замануи құрылғылардың тиімділігі - жол ережесінің бұзылуын көптеп анықтауда. Қазіргі таңда күніне 300-400 құқық бұзушылық анықталып, мөлшері 20 миллион теңгеден астам айыппұл салынды.
Ақерке БЕРІКБЕКҚЫЗЫ
