Жаңалықтарды Telegram арнамыздан оқыңыз!Елордалық спортшылар Ақтөбеде өткен республикалық жүзу жарысынан жүлделі оралды. Олардың қоржынында 19 медаль. Таратып айтсақ, паралимпиада ойындарының саңлақтары 10 алтын, 3 күміс және 6 қола жеңіп алды. Соған орай бүгін Назарбаев халықаралық әуежайында жүлдегерлерді күтіп алу салтанатты шарасы өтті. Ал жалпы командалық есеп бойынша, Қарағанды бірінші, Шымкент екінші орын алса, Нұр-Сұлтандық топ үштіктен көрінді. Биыл жүзу сайысына екі жүзден астам мүмкіндігі шектеулі жан қатысты. Елордалық құраманы республикаға еңбек сіңірген жаттықтырушы Владимир Загородний даярлап апарған.
Владимир Загородний, ҚР Еңбек сіңірген жаттықтырушысы:
Мен бастапқыда үшінші болатынымызды айтқанмын. Себебі тобымның әлеуетін жақсы білемін. Әрине, бұл әлсіз дегенді білдірмейді. Шама-шарқына қарай өнер көрсетті. Сондай-ақ біздегі екі спортшы жаңадан қосылған. Ал алда олимпиада ойындары бар. Токиода. Сол жерден Сиязбек Далиев спортшымыз жүлде әкеледі деп сенеміз. Біз барымызды салып жатырмыз.
Нысаналы ЫҒЫЛ
