Жаңалықтарды Telegram арнамыздан оқыңыз!Туриндік «Ювентус» футболдан чемпиондар лигасының финалына шықты.
Ол екі ойынның қорытындысы бойынша мадридтік «Реалды» 3:2 есебімен жеңді. Мадридте өткен қарымта кездесуде бірінші болып есепті алаң иелері ашты.
23 минутта Криштиану Роналду пенальтиді сәтті орындады. Ал, 57 минутта Альваро Мората есепті теңестірді.
Осылайша, ойын 1:1 есебімен аяқталып, кос кездесудің нәтижесі бойынша «Ювентус» финалға жолдама алды.
Финалда «Барселонамен» кездеседі. Ойын 6 маусымда Берлинде өтеді.
Рустам БАЙДӘУЛЕТОВ
