Жаңалықтарды Telegram арнамыздан оқыңыз!Осыдан бірнеше минут бұрын «Астана-Арена» стадионында Қазақстан жастар құрамасы исландиялық футболшыларымен кездесуін аяқтады. Еуропа чемпионатының іріктеу кезеңі аясындағы ойында жерлестеріміз жеңіске жетті.
Сәкен Сейітханұлы, тілші:
Еуропа чемпионатының жастар арасындағы іріктеу кезеңінде Қазақстан жастар құрамасы өз алаңында Исландия құрамасын қабылдады. Есеп – 3:2. Қазақстан жастар құрамасы жеңіске жетті. Мұның алдындағы ойында қазақстандықтар Исландия алаңында 2:0 есебімен жеңіліп қайтқан болатын. Есеп ойынның 7-ші минутында ашылды. Гол авторы – жартылай қорғаушы Станислав Лунин. 5 минут өткеннен кейін Роман Мұртазаев екінші голдың авторы атанды. Бірінші тайм осылай аяқталды. Екінші таймның 60,67 минуттарында исландиялықтар екі гол соғып, таразы басын теңестірді. Ойынның аяқталуына 2 минут қалғанда біздің құрамадан Исламбек Қуат үшінші голдың авторы атанды. Қазақстан құрамасының ендігі кездесуі 2-қыркүйекте Франция құрамасымен өтеді.
