Жаңалықтарды Telegram арнамыздан оқыңыз!Бұл өнерсүйер қауым үшін елеулі оқиға. Себебі, аңызға айналған жауһар туынды Орталық Азия өңірінде алғаш рет сахналанып отыр. 1998 жылдан бері көрерменнің қошеметіне ие болып келе жатқан туынды 9 тілге аударылған. Енді оныншы болып Эсмеральда мен Квазимода қазақ тілінде шырқайды. Бастысы, мюзикл өзінің түпкі сарынын сақтап қалған. Ал, актерлер мен акробаттар және әншілерді іріктеу үшін еліміздің барлық аймағында қатаң іріктеу ұйымдастырылды. Ең үздік дегендері ғана таңдап алынған. Мюзиклді сахналауға туынды авторлары, атақты Рикардо Коччанте мен Люк Пламондон жетекшілік еткен. Олар қазақстандық әртістердің жұмысына жоғары бағасын беріп отыр.
Риккардо Коччанте, композитор:
- Менің жазған шығармаларымның барлығы да негізі қиын. Оны айту да оңай емес. Ол үшін кең диапазон керек. «Нотрдам де Париді» мен мюзикл деп айтпас едім. Бұл қазіргі заманның операсы. Мұнда дауыс, әртістік қана емес, көрерменге айтарыңды ішкі сезіммен, бар болмысыңмен бере алуы қажет. Қазақ әртістері бұл міндетті жақсы орындап шықты деп есептеймін.
Шерхан ЖАМБЫЛҰЛЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
