Президент Қытай Төрағасымен келіссөз жүргізді - «Qazaqstan» Ұлттық телеарнасы

Президент Қытай Төрағасымен келіссөз жүргізді

30.08.2025

Тьянцзиньге келе сала Мемлекет басшысы Қытай төрағасы Си Цзиньпиньмен кездесті. Келіссөз барысында Президент Қасым-Жомарт Тоқаев қазақ-қытай қатынасы бұрын-соңды болмаған қарқынмен дамып жатқанын атап өтті. Бұл байланыс мәңгілік әрі жан-жақты стратегиялық серіктестік рухында нығаюда. Былтыр екі ел арасындағы тауар айналымы 44 миллиард долларға жеткен. Кездесу барысында тауар айналымын ұлғайтудың және көлік-логистика, энергетика, цифрландыру, жасанды интеллект, ауыл шаруашылығы салаларында ірі инвестициялық жобаларды іске асырудың маңызына назар аударылды. Мемлекеттер басшылары өңірлік және халықаралық күн тәртібіндегі өзекті мәселелер жөнінде пікір алмасты. Си Цзиньпин Шанхай ынтымақтастық ұйымының саммитіне және Екінші дүниежүзілік соғыстағы Жеңістің 80 жылдығына арналған салтанатты іс-шараларға қатысуға ниет танытқаны үшін Қасым-Жомарт Тоқаевқа ризашылығын білдірді. Оның айтуынша, Бейжің қазақ-қытай мәңгі әрі жан-жақты серіктестігін тереңдетуге айрықша мән береді.

Шерхан Жамбылұлы

Хабарламаларға жазылу