Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев қазақстандықтарды конституция күнімен құттықтады.
«Осыдан 30 жыл бұрын өткен референдумда халқымыз Ата Заңын қабылдап, тарихи таңдауын жасады. Ата Заң Қазақстанның барлық азаматының мүддесін ұлтына, дініне қарамастан бірдей қорғайтын әлеуметтік мемлекет ретіндегі құқықтық іргетасын қалыптастырды. Үш жыл бұрын ел дамуының жаңа тарихи кезеңіндегі міндеттерге сәйкес, ауқымды конституциялық реформа жасалды. Оның басты нәтижесі – саяси жүйенің «Күшті Президент – ықпалды Парламент – есеп беретін Үкімет» тұжырымдамасының негізінде жаңғыруы. Әділетті, Таза, Қуатты әрі Қауіпсіз Қазақстан құрамыз десек, азаматтарымыз Ата Заңды құрметтеп, оның барлық ережесін мүлтіксіз сақтауы керек. Еліміздің барша азаматына зор денсаулық, бақ-береке тілеймін!» - деді Президент.
Оңғар Алпысбайұлы
