Жаңалықтарды Telegram арнамыздан оқыңыз!Өзбекстанда 2026 жылы Starlink спутниктік интернеті іске қосылуы мүмкін. Бұл туралы ақпарат Starlink сайтында жарияланды. Ал осы тұста көрші ел өзінің жер серігін ұшыру мүмкіндігін қарастыруға кірісті.
Алдын ала мәліметтерге сай, жоба құны 50-100 млн доллар аралығында болады деген болжам бар. Бұған дейін Өзбекстанда жер серігіне қажеттілік болған жоқ. Себебі қашықтан зондтау деректерін тұтыну нарығы қалыптаспаған еді. Алайда қазір жағдай өзгерді. Мұндай деректерді өз жұмысында пайдалануға дайын мемлекеттік және жеке тұтынушылар көп. Олардың қатарында «Узкосмос» агенттігі, басқа да мемлекеттік органдар мен кәсіпорындар бар. Өзбекстан тиянақты шешім қабылдау үшін бұл мәселені асықпай зерттеп көрмекші. Жеке жер серігін ұшыру тақырыбы әзірге талқылану үстінде.
Базаркүл Отыншиева
