Жаңалықтарды Telegram арнамыздан оқыңыз!Елімізде колледждерге құжат қабылдау және конкурстық іріктеу мерзімі ұзартылды. Себебі «eGov» порталы мен «Ұлттық білім беру деректер қоры» ақпараттық жүйесінде техникалық ақау болған. Жүктеменің мөлшерден көп болуына байланысты колледжге түсуге өтінім беру кезінде талапкерлер үшін уақытша техникалық қиындықтар байқалды. Жауапты министрлік қазір барлық ақаулар жойылғанын хабарлайды. Талапкерлер үшін құжаттарды қабылдау және конкурстық іріктеу мерзімі ұзартылды. Нақты уақытқа тоқталсақ, шығармашылық дайындықты талап ететін мамандықтар бойынша – 24 тамызға дейін, педагогикалық және медициналық мамандықтар бойынша – 25 тамызға дейін және орта буын мамандарын даярлау мамандықтары бойынша – 27 тамызға дейін құжат қабылданады.
Азамат Бейбітұлы
