Жаңалықтарды Telegram арнамыздан оқыңыз!1 қыркүйектен бастап су саласында жұмыс істейтін 25 мыңнан астам адамның жалақысы өседі. Су ресурстары министрлігінің мәліметінше, енді өңірге байланысты бұл сала мамандарының табысы орта есеппен 35–50%-ға артып, жылу мен электр энергетикасындағы қызметкерлердің деңгейіне жетпек. Қазір, жылу және электр энергетикасы саласында орташа жалақы – 330 мың теңге. Ал су шаруашылығы саласында – 231 мың теңге. Бұл өзгеріс кадр тұрақсыздығын азайтып, білікті мамандарды салаға тартуға көмектеседі.
Ләззат Жүсіпова, ҚР Су ресурстары және ирригация министрлігі Ғылым және инновациялар департаментінің директоры:
Су шаруашылығы мамандарының жалақыларын электр және жылу энергетика салаларының жалақы деңгейімен теңестіру мақсатында өткен жылы министрлік табиғи монополиялар туралы ҚР заңына өзгертулер енгізу бойынша жұмыстарды бастады. Ағымдағы жылдың маусым айында заң жобасына Мемлекет басшысы қол қойып, нәтижесінде су саласында жалақыларды көтеруге мүмкіндік алынды.
Динара Жарқынбек
