Жаңалықтарды Telegram арнамыздан оқыңыз!Биыл Абай Құнанбайұлының туғанына 180 жыл. Осыған орай Ұлттық академиялық кітапханада «Адамзаттың бәрін сүй…» атты халықаралық дөңгелек үстел өтті. Шараға ТМД елдерінен ғалымдар онлайн қосылып, отандық абайтанушылар, тарихшылар мен филологтар оффлайн форматта қатысты. Басқосуда Абайдың мол мұрасының бүгінгі қоғам үшін маңыздылығы талқыланды. Ақынның философиялық, әдеби, ағартушылық ойлары әлі де өзекті екені айтылды. Сондай-ақ қазақстандық және шетелдік ғалымдар Абай шығармашылығын тереңірек зерттеу бойынша ұсыныстарын ортаға салды.
Аслан Ғафуров, Ұлттық академиялық кітапхананың ғылыми хатшысы:
Кітаптар да жазылып жатыр, шығармашылығы да зерттеліп жатыр. Ғылыми айналымдағы жұмыстардың нәтижелері, осының бәрін болашақта қорытындыланып жинақ болып шығуы, кітапханалар арқылы оқырман қауымға жетуі, түбегейлі Абайдың қарасөздері ағылшын, орыс, қазақ, түркітілдес бауырларлардың бірнеше тіліне аударылған аудармалардың жиынтығы оқырманға жетуі, жан-жақты талқыланады.
Асылбек Даняир
