Жаңалықтарды Telegram арнамыздан оқыңыз!Бұл игілікті іске «Рухани жаңғыру» орталығы мұрындық болды. Ұмыт бола бастаған өнерді Айдарлы ауылының тұрғыны Роза Әлбатырова жаңғыртып, оны табыс көзіне айналдырған. Оның түкті кілем тоқу цехында көздің жауын алар кілемнің түр-түрі тоқылады. Қолөнер шебері ұлттық бояуы қанық төл өнерді насихаттай отырып, асыл мұраны бренд тауар еткісі келеді. Қазір цехта 12 адам еңбек етеді. Кәсіпті үйренемін деген кез келген адам осында келіп, мамандардан сабақ алып, кілем тоқудың қыр-сырын меңгере алады.
Томирис Әуесханова, «Атамекен» балалар ауылының тәрбиеленушісі:
- Қиын сияқты көрінді. Бүгін апай үйреткеннен бірден қағып алдым. Болашақта кілем тоқимын деген ойым бар.
Ақерке БЕРІКБЕКҚЫЗЫ
