Жаңалықтарды Telegram арнамыздан оқыңыз!Ақтауда «Таза Қазақстан» акциясы аясында ұйымдастырылған сенбілікке мыңға жуық студент атсалысты.
Тазалық шарасы қала жастарына арналған саябақта өтті. Студенттер аумақты қоқыстан тазартып, көгалдандыру жұмыстарына қатысты. Былтыр ғана пайдалануға берілген саябақта 4 мыңға жуық ағаш өсіп тұр. Бүгін олардың қатарын тағы толықтырып, 150 көшет отырғызылды. Қоршаған ортаның тазалығы мен экологияны жақсарту өз қолымызда, - дейді студенттер.
Дильназ Атажан, студент:
Кез келген жас буын қоқысты үйден сұрыптап бастау керек. Пластикті бөлек, макулатураны бөлек және де органикалық қалдықтарды бөлек-бөлек жинауымыз керек. Солай арқылы біз тіпті полигондарды азайта аламыз. Осы арқылы біз өзіміздің кішкене болсын табиғатымызды, өзіміздің экологиямызды таза ұстай аламыз.
Аягөз Оралбайқызы
