Жаңалықтарды Telegram арнамыздан оқыңыз!Қазақстан мен Ресейдің бизнес субъектілері 171 жобаны бірлесіп іске асыру арқылы 45 мыңнан астам жұмыс орнын ашуды көздейді. Премьер-министр Олжас Бектенов Мәскеуде Ресей үкіметінің төрағасы Михаил Мишустинмен кездесіп, сауда-экономикалық ынтымақтастық мәселелерін талқылады. Қос елдің мемлекет басшылары мақұлдаған келісімдерді іске асыруға, оның ішінде өзара тауар айналымын 30 млрд доллларға дейін арттыруға басымдық берілмек. Көлік-транзиттік әлеует, ауыл шаруашылығы, энергетика және газ, ғарыш саласы, сондай-ақ мәдени-гуманитарлық байланыстардағы нығайту мәселелері қаралды. Екіжақты ынтымақтастықтың маңызды бағыттарының бірі – агроөнеркәсіп кешені. Өткен жылдың қорытындысына сәйкес, бұл саладағы тауар айналымы 4 млрд долларға жуықтаған.
Индира Бегайдар
