Жаңалықтарды Telegram арнамыздан оқыңыз!Чехияның Мост қаласындағы мейрамханада жарылыс болып, 6 адам қаза тауып, 8 адам жараланған. Алдын ала мәліметтерге сай, мейрамхана бағындағы ағаш террасада газ жылытқышы аударылып, өрт басталған. Артынша газ жарылған. Жалын ғимаратты әп-сәтте шарпыды.
Іргелес көпқабатты үйдің 30 тұрғыны қауіпсіз жерге көшірілді. Өрт сөндірушілер оқиға орнына жеткен кезде мейрамхана толықтай отқа оранған. Өртпен күреске 1 сағат кетті. Полиция болған оқиғаны тергеп жатыр.
Арай Төлегенқызы
