Жаңалықтарды Telegram арнамыздан оқыңыз!Күннің ерте батуы ұйқы режимін оңалтып, ағзаға тұтастай оң әсер етеді. Бірыңғай уақыт белдеуін енгізуге байланысты зерттеулер жүргізіп жүрген ғалымдардың пікірі осындай. Ұйқы гормоны мелатонин қажетті мөлшерде түзіліп, миды ұйқыға дайындайды. Ал уақытылы тыныққан адам анағұрлым сапалы өмір сүрмек.
Асқар Қалекешов, Генетика және физиология институты зертханасының жетекші ғылыми қызметкері:
Барлық ғылыми деректерді алып қарасаңыз мелатонин гормоны бүкіл адам ағзасындағы гормоналдық процестердің кілті болып табылады. Осы кілтті біз бұзатын болсақ, мысалға, жасөспірім балаларда өсуге жауап беретін соматотропин гормонының бұзылуы, адам ағзасында зат алмасу процестеріне жауап беретін қалқанша бездің бұзылуы, тиреотропты гормондардың түзілу мөлшерінің бұзылуы, осылардың барлығы уақыт өте келе адам организмінде әртүрлі созылмалы ауруларға, соның ішінде қатерлі ісік ауруларына да апаруы мүмкін.
Қаракөз Тұрмағамбет
