Жаңалықтарды Telegram арнамыздан оқыңыз!Атырауда «Таза Қазақстан» акциясы аясында Жайық жағалауы қоқыстан тазартылды. Тазалық науқанына үш ірі мұнай компаниясынан 200-ге жуық адам қатысты. Олар 5 шақырымға жуық аумақты қалдықтардан тазартты. Жалпы облыста акция басталғалы 25 сенбілік өткізілген. Көгалдандыру жұмыстары да қолға алынбақ. Биыл 59 гектар аумаққа 117 мың ағаш көшетін отырғызу жоспарланған.
Мейрамбек Аухадиев, облыстық табиғи ресурстар және табиғат пайдалануды реттеу басқармасының бас маманы:
Атап айтқанда акцияға 62 мыңнан астам адам қатысты. 1726 тонна қоқыс шығарылды. 1777 дана әртүрлі техника тартылды. Акцияның басты мақсаты – қоршаған ортаны қорғау, сақтау және экологиялық мәдениетті қалыптастыру.
Сенбіліктен бөлек жас пікірсайысшылар «Таза Қазақстан – таза аймақ» тақырыбындағы дебатта бас қосты. Сөз додасына 12 команда қатысып жатыр. Олар елдегі экологиялық тұрақтылықты қамтамасыз ету бағытындағы тақырыптарды талқылады.
Нұрсұлтан Нұрсейіт
