Жаңалықтарды Telegram арнамыздан оқыңыз!Семейдегі Абайдың «Жидебай-Бөрілі» мемлекеттік музей-қорығында Абай атындағы ғылыми-мәдени орталық ашылды. Жоба Абай атындағы қазақ Ұлттық педагогикалық университеті мен Абай музейі арасындағы мәдени байланыс аясында жүзеге асқан.
Ұлы ақынның мол мұрасын зерттеу мен насихаттауға бағытталған еліміз бен шет елдерде 8 орталық жұмыс істейді. Ақын атындағы музейде ашылған орталық ғылыми-танымдық бағытта. Онда ғұламаның мұрасына терең зерттеу жұмыстары жүргізілмек. Оған қоса университет музей қызметкерлерінің білімін жетілдіруді қолға алады.
Ұлан Сағадиев, «Жидебай-Бөрілі» мемлекеттік музей-қорығының директоры:
Абайтануға бір үлкен үлес болады деп есептейміз. Ол жерде бір жақсы жаңалықтар ашылатын шығар. Осы жерде біздің Семей қаласындағы, жалпы Абай облысындағы тіл мамандары, абайтану саласында терең зерттеу жүргізіп жүрген мамандар абайтануға әрі қарай терең бойлай беруге мүмкіндік сыйлайды деген ойламыз.
Ержан Жақып
