Жаңалықтарды Telegram арнамыздан оқыңыз!Балқаш қаласында мектеп тапшылығы жойылады. Қалада жайлы мектептің құрылысы аяқталуға жақын. 900 орындық білім ошағында бастауыш және жоғары сынып оқушылары үшін жеке 3 бөлім салынған.
Бұған дейін мың оқушыға шақталған білім мекемелерінде 1350 балаға дейін оқуға мәжбүр болды. «Енді мектеп тапсырылған соң бұл мәселе түбегейлі шешіледі» дейді мамандар. Оқушылар жаңа мектепте 3-ші тоқсаннан бастап оқиды. Қазір 53 педагог жұмысқа алынды.
Қарлығаш Дүбірбекова, Балқаш қаласы білім бөлімінің басшысы:
Жайлы мектеп. Қазір барлық керекті құжаттар жасақталды. Бәріміз асыға күтіп отырмыз. Атына, затына сай, кәсіби, білімді мұғалімдер жасақтау мақсатымыз. Кадр потенциалы жақсы болса... жастар да керек, білікті мамандар да керек. Білімі әлемдік, тәрбиесі ұлттық оқушыларды тәрбиелеу мақсатымыз.
Жандос Бақытұлы
