Жаңалықтарды Telegram арнамыздан оқыңыз!Батыс Қазақстан облысында тұрғындардың радиофобияға ұшырауы интернет сапасына кері әсер етіп отыр. Салдарынан байланыс операторлары көпқабатты үйлердің шатырына базалық стансасын орната алмай жүр. Ал жауапты органдар «радиоқұрылғылар денсаулыққа зиян» деген фейк ақпаратқа сенбеуге шақырады. Сондай-ақ ұялы байланысты күшейтетін құрылғыны орнату да интернет сапасын жақсартуға кесірін тигізуде. Тексеріс кезінде Бәйтерек ауданының Жайық, Рубежинское, Достық ауылдарында, Тасқала ауданының Тасқала ауылы мен Орал қаласының Желаево кентінде сертификатталмаған күшейткіштердің қолданылғаны анықталған.
Ерғали Ержанов, БҚО технологиялар басқармасы басшысының міндетін атқарушы:
Радиофобия біздің байланыс операторлары қойған антенналарға тұрғындардың қарсылық білдіруі. Ауырып қаламыз деген бағытта. Алайда олар СЭС органынан рұқсат қағаздарын алады. Ол ғылыми түрде дәлелденген.
Ардақ Мұратқызы
