Жаңалықтарды Telegram арнамыздан оқыңыз!Биыл қазақтың көрнекті жазушысы Бейімбет Майлиннің туғанына 130 жыл. Осыған орай қаламгердің туған өлкесі Қостанайда әдебиетшілер конференциясы өтті. Жиында Бейімбет Майлиннің өмірі мен шығармашылығының түрлі аспектілері, қазақ әдебиетінің дамуына қосқан өлшеусіз үлесі, шығармаларының өміршеңдігі талқыланды. Майлиннің ұлттық бірегейлікті қалыптастырудағы рөлі, театр өнері мен халық мәдениетіне әсері жайлы айтылды. Бейімбет Майлин қазақ әдебиетіне терең із қалдырған тұлға. Ол қысқа ғұмырында поэзия мен прозадан драматургия мен публицистикаға дейінгі жанрлардың кең ауқымын қамтиды. Оның шығармалары әдеби процеске жаңа формалар мен идеялар әкелді. Конференцияға қатысушылар жазушы ескерткішіне тағзым етіп, гүл шоқтарын қойды.
Жанұзақ Аязбеков, Қазақстан жазушылар одағы ОФ төрағасы:
Бейімбет Майлин – 43 жыл өмір сүріп, 16 жыл ішінде 55 кітап шығарған адам. Майлин қазақ көркем әдебиетінің мектебін салып кетті. Ол жай мектеп емес. Одан жас болсын, жасамысы болсын, үйренгісі келеді. Бейімбет феноменінің ғажап жері осында жатыр.
Дәуренбек Әбдібек
