Жаңалықтарды Telegram арнамыздан оқыңыз!Қостанай облысының шаруалары қаржы институттарына жеңілдетілген несиені қайтару ережесін өзгертуді сұрайды. Себебі алған қарыздың белгілі бір бөлігін субсидиялайтын мемлекеттің көмегі уақытында берілмейді. Соның салдарынан шаруалар 6 пайыздық несиені 24 пайызбен қайтарып шығынға батады.
Былтыр да, биыл да жауын-шашынның салдарынан өнімінің сапасы төмендеп, оны арзанға сатуға мәжбүр болған диқандар мұндай қымбат кредитті жаба алмай қиналып жүр. Осыған байланысты олар қаржы институттарына қарыздарды өтеу ережесін өзгертуді ұсынды.
Александр Бородин, облыстық а/ш тауарын өндірушілер қауымдастығының басшысы:
Алдымен несиенің негізгі сомасын, содан соң 6 пайыздық үсметақысын төлейік. Мемлекет субсидияға қаржы бөлген соң қалған бөлігін жабамыз. Ал қазіргі жағдай бізді мазақ еткендей. Бұл мәселені шұғыл шешу қажет. Өйткені уақыт қысып барады. Есеп айырасатын кез келді, бірақ қарызды қалай жабатынымызды тіпті білмеймін.
Дәуренбек Әбдібек
