Жаңалықтарды Telegram арнамыздан оқыңыз!Шымкент қаласында бүгін «Таза бейсенбі» акциясына жүзденден астам азамат қатысты. Олар «Асар» шағын ауданы аумағын қоқыстан тазартып, қураған шөптерді жинап шықты. Сондай-ақ жол бойындағы бітеліп қалған арықтарды аршыды. Жаяужолдарды сыпырып, оның бойындағы ағаштарды қырқып, ретке келтірді.
Аумақтан 5 тонна қоқыс шығарылды. Бұл жұмыстың барлығы партия мүшелері, жастар қанаты, студенттер және қала тұрғындарының күшімен атқарылды. Жалпы «Таза бейсенбі» акциясы басталғалы мегаполисте 23 рет экологиялық шара өткізілген. Соның нәтижесінде 30 тоннадан аса қоқыс жиналды. «Аманаттықтар» бұл шараны жыл соңына дейін жалғастыра бермек.
Ербол Байқоныс, «Amanat» партиясы Шымкент қалалық филиалы атқарушы хатшысының орынбасары:
Бүгінгі күнге дейін 3,5 мыңға жуық адам қатысты. 23 рет өткізілді деп жатырмыз ғой. Әр бейсенбі сайын өзінің белсенділігін арттырып жатқан азаматтар келіп, тазарту жұмысын жасап жатыр. Өйткені бұл біздің қаламыз ғой. Сондықтан тұрғындар бұл мәселеге бей-жәй қарап жатқан жоқ.
Ғани Қалмаханов
