Жаңалықтарды Telegram арнамыздан оқыңыз!Ақтөбе қаласына қарасты Қызылжар ауылында жол құрылысы орта жолда тоқтап қалды.
Екі көшенің қосылатын тұсындағы жол жеке үйдің ауласына тіреліп, құрылыс аяқсыз қалған. Тұрғынның қосымша жер телімін заңдастырып алғанынан мердігер мекеме өкілдері хабарсыз болып шыққан. Енді бұл аумақтың мәселесін әкімдік қайта қарайды.
Нұрлан Медетов, ауыл тұрғыны:
Анау жерлерді шұңқырлар, ойып-ойып тастап кетті.Солай қалып қойды. Ондай көп осы жерде, Қызылжар-3-те ондай недороботкалар көп. Міне мына шеті, міне ана жақта, сосын осы. Әр үйдің қасында. Өзіңіз көріп тұрсыз ғой.
Елді мекенді үлкен көлік дәлізіне жалғауы тиіс жолдың да құрылысы аяқталмады. Тұрғындар қалаға бару үшін бірнеше көшені айналып өтуге мәжбүр. Әкімдік өкілдерінің айтуынша, Қызылжар ауылындағы жол құрылысы биыл, шілде айында басталған. Алты көшеге асфальт жамылғысы төселген. Дегенмен, бұл ауыспалы жоба болғандықтан, жұмыс толығымен келесі жылы аяқталуы тиіс.
Айдарбек Жұмабек, қалалық ТҮКШ бөлімінің бас маманы:
Құрылыс жұмыстары мекенжайға келіп,тоқтап қалды. Себебі Бестерек көшесіндегі жер теліміне допподвод алынды. Қазір бөлім атынан жер қатынастары бөліміне хат жолданды. Жыл соңына дейін жер бөлімінен хабар келіп, аталған участокке келесі жылы салып береміз.
Жақсыбек Кемал
