Жаңалықтарды Telegram арнамыздан оқыңыз!Алматыдағы ең көрікті жерлердің бірі – «Баум» тоғайы қоқыстан тазартылып, жаңадан ағаштар егілді. «Таза Қазақстан» экологиялық науқаны аясында белсенділер тоғай ішін жапырақтар мен сынған ағаш бұтақтарынан тазартты. Соның арқасында 10 тоннаға жуық қоқыс шығарылды.
Содан соң еріктілер мен орманшылар бірлесіп, қайың, шаған, емен көшеттерін отырғызды. 150 жылдан аса тарихы бар тоғайда 50-ге жуық қылқан жапырақты және жеміс ағаштары арнайы егілген. Әсіресе емендер аллеясын көруге келетіндер көп. Келер жылдан бастап «Баум» тоғайын жарықтандыру, арнайы бейнекамералар орнатып, абаттандыру жұмыстары қолға алынады.
Қуандық Дәулетияров, орманшы:
Орман шаруашылығы мамандарының төл мерекесіне орай және өзіміздің «Таза Қазақстан» акциясын қолдауы мақсатында болып жатыр. Алматы қаласы белсенділері мен экология басқармасы, «Медеу» паркінің ұйымдастыруымен іс-шара өтіп жатыр. Бұл іс-шараға 300-ден астам адам қатысып жатыр.
Айдана Қуантхан
