Жаңалықтарды Telegram арнамыздан оқыңыз!Ұзақ жылдар бойы экологиялық проблема тудырып келген Шымкент қорғасын зауытының миллиондаған тонна қалдығы жиналған орын енді тазаланып, индустриалды аймаққа айналатын болды. Инвестициялық жобаларға сәйкес өндірістік аумақта үйіліп қалған күлден күміс, темір, мыс өндірілмек. Мұнда қазір алғашқы кен байту комбинаты іске қосылды. Жоба бойынша, алдымен жылына 500 мың тонна қалдық қайта өңделеді. Өндірілген өнім экспортталады. Шымкенттің шеткі аумағында жетпіс жыл бойы жинақталған өндіріс қалдықтары 2 миллион тоннаға жуықтайды. Жобаның инвестициялық құны 19 миллион доллар.
Абзал Меңілбеков, инвестор:
Жыл соңында терең өңдеу арқылы мырыш өндіретін екінші зауыт іске қосылады. Сол арқылы біз ол аумақты қалдықтардан тазартамыз. Содан кейін осы аумақта шағын және орта бизнес үшін тиімді жеке индустриялық аймақ құруды жоспарлап отырмыз.
Ғани Қалмаханов
