Жаңалықтарды Telegram арнамыздан оқыңыз!Сонымен, 5 күн бойы Елорда төрінде дүбірлеп өткен V Дүниежүзілік көшпенділер ойындары аяқталып, салтанатты жабылу рәсімі болды.
Бюджеттің қысқартылуына байланысты шара хаттамалық форматта көрерменсіз өтті. Оған тек спортшылар қатысты. Байрақты бәсекенің жабылу рәсімі 1 сағатқа жалғасты. Салтанатты шарада сөз сөйлеген Дүниежүзілік этноспорт конфедерациясының президенті Біләл Ердоған, жарыстың жоғары деңгейде ұйымдастырылғанын атап өтті. Спорттық дода арқылы түркітілдес елдердің бай мәдениеті мен салт-дәстүрі айрықша дәріптелген. Енді келесі ойындар Қырғызстанда өтеді. Туризм және спорт министрі Ербол Мырзабосынов, киелі суға толы торсықты ұлттық бәсекенің символы ретінде көрші елдің өкіліне табыстады.
Айя Мүтәлі
