Жаңалықтарды Telegram арнамыздан оқыңыз!Жамбы ату туралы тарихи кітап жарық көрді. Туынды авторы этнограф-ғалым Бекен Қайратұлының айтуынша, бұл спорт түрі туралы мағлұмат тым аз. Сондықтан ол кітап жазу барысында қазақ диаспорасы көп шоғырланған Моңғолия мен Ресей елдерінде зерттеу жүргізген. Бұл елдерде тұратын қазақтардың арасында жамбы ату, яғни ат үстінде садақ ату спорты жақсы сақталған. Үш тілде жазылған туынды қазір 500 данамен басып шығарылды. Тұсаукесерге қатысқан сарапшылардың айтуынша, көшпенділер ойындары халқымыздың дәстүрлі спорт түрлерін кеңінен насихаттап жатыр. Жамбы ату да халықаралық шара кезінде еуропалық меймандарымыздың қызығушылығын тудырыпты.
Бекен Қайратұлы, кітап авторы, этнограф-ғалым:
Жамбының қазақ тұрмысындағы өнері, жауынгерлік өнері, жамбы атудың стилі, жамбыны аша бердік. Үш тілде жазылғандықтан, әлем жамбының не екенін бірінші түсініп алсын деген мақсатта жазылған. Мен бұған дейін қазақтың атбегілі туралы жаздым, жауынгерлік өнер туралы қалам тартып жүрдім. Жалпы жазуға дайын едім.
Аида Ахметбек
