Жаңалықтарды Telegram арнамыздан оқыңыз!Ядролық энергетика өнеркәсіптің дамуына оң әсер етеді және жаңа жұмыс орындарын ашады. Бразилияның ядролық энергетика бойынша ұлттық комиссиясының сарапшысы АЭС салу бойынша осындай пікір білдірді. Томас Ридельдің айтуынша, бұл бастама энергетикалық тәуелсіз ел болу үшін де маңызға ие.
Томас Ридель, Бразилияның ядролық энергетика бойынша ұлттық комиссияның аға маманы:
Атом электр станцияларында энергияны өте тиімді өндіретін мүмкіндік бар және де мұндай станциялар елді индустриализациялау мүмкіндіктерін арттырады деп ойлаймын. Сонымен бірге ол тікелей немесе жанама түрде жаңа жұмыс орындарын ашуға көмектеседі. Тағы бір айта кететін жайт, мұндай станция пайда болса, ядролық отынға айналған уранға жіті назар аударуға немесе оны сырттан сатып алуға тура келеді. Бразилия бұл жағынан өзін-өзі қамтамасыз ететін елге айналды дер едім.
Аида Ахметбек
