Жаңалықтарды Telegram арнамыздан оқыңыз!«Ұлы дала жорығы» бәйге-марафонының екінші күні аяқталды. Ботай тұрағынан басталған көшті екі күн Қырғызстан мемлекетінің шабандоздары бастап келеді. Ақтөбе құрамасының да аяқ алысы жақсы. Бүгін жорықтың жаңа рекордын орнатты. Олар 50 шақырымды 2 сағат 22 минутта жүріп өтті. Ал жарыс жолынан Түркия Республикасының шабандоздары шығып қалды.
Жалпы түркі жұртына сауын айтқан байрақты бәсекенің 200 шақырымы аяқталуға жақын. Бірнеше команда мәре сызығын кесіп өтті. Енді 5-6 команда жолда келе жатыр. Бүгінгі күннің үздіктерін анықтай беруге болатын секілді.
Қырғыз командасы мәресі сызығын бірінші болып кесіп өтті. Оның ізін суытпай Ақтөбе командасы бар, маңғыстаулық шабандоздар бар. Енді біз баршасына жанкүйерміз.
Ақжігіт Абзалбекұлы
