Жаңалықтарды Telegram арнамыздан оқыңыз!Жоғары білім саласын халықаралық білім кеңістігіне шығару және олармен ықпалдастыру келешекке бағытталған ғылыми капитал. Бүгінгі таңда әлемде 32 мыңға жуық жоғары және арнаулы оқу орындары болса, солардың ең үздік деген оқу бағдарламаларын игеру өз елімізде озық ойлы маман даярлауға негіз болмақ. Шымкентік ұстаздар Президент Жолдауындағы жоғары білімге қатысты айтылған міндеттерден осындай ой түйді.
Баршагүл Исабек, тарих ғылымдарының кандидаты:
Қазіргі кезде цифрландыру мен жасанды интеллект тренд болып тұр ғой. Осы бағытта ВИАР зертханаларды ашуды қолға алып жатырмыз. Яғни осы технология арқылы физика, химия мамандықтарындағы студент жастарды практикалық сабақтарды цифрлық жүйеде үйрету арқылы бәсекеге қабілетті маман даярлау.
Ержан Керімбеков, Ө.Жәнібеков атындағы Оңтүстік Қазақстан педагогикалық университетінің проректоры:
Бұл жердегі мақсат ол жерде жылдар бойы технологиялық, цифрлық, заманауи дамуларды іске асыратын, соны сіңірген білім бағдарламлары бар. Біз жылдар бойы осы тәжірибені қалыптастырғаннан гөрі өзімізде сондай маман қалыптастырсақ ол мамандар сондай технологиялық өзгеріске үлкен септігін тигізеді.
Ғани Қалмаханов
