Жаңалықтарды Telegram арнамыздан оқыңыз!Абай облысында мал шаруашылығына басымдық беріледі. Осы мәселені талқылау үшін Премьер-Министрдің орынбасары Серік Жұманғарин өңірге арнайы барды. Дәріс-кеңес өткізіп, онда мал шаруашылығын дамытудың жоспарларымен, табысты тәжірибелермен бөлісті. Мал шаруашылығына австралиялық әдісті енгізудің артықшылықтарын айтты. Үкімет басшысының орынбасары ең алдымен ет өндірісінің өзіндік құнын төмендету керек, - деді. Қазір Қазақстанда бұл өнім айтарлықтай қымбат. Ал өндірілген ет экспортта бәсекеге төтеп бере алмайды. Серік Жұманғарин бұл тұрғыда мал өсірудің австралиялық әдісі тиімді екенін жеткізді. Қазір бұл әдіс пилоттық жоба ретінде қолға алынды.
Серік Жұманғарин, ҚР Премьер-Министрінің орынбасары:
Австралияға барып келдік. Солардың тәжірибесін қарап, зерттеп, пилоттық деңдейде 5-6 қожалықты таңдадық. Оларға биыл қаражат бөліп, суармалы жерлерге жаңа технологияларды бөліп, ертеңге шөп дайындау үшін қаражат бөлді. Келер жылдан бастап, бордақылауға басқаларға қаражатты бөлеміз.
Самал Қабышева
