Жаңалықтарды Telegram арнамыздан оқыңыз!Ақтөбе облысында тасқыннан зардап шеккен отбасыларға 495 дайын үй сатып алынды. Тағы 25 тұрғынның мәселесі бірер күнде шешіледі.
Жалпы облыс бойынша тасқыннан 4 087 тұрғын үйге залал келді. Техникалық сараптама қорытындысы бойынша 1 020 баспана жарамсыз болып қалды. 500 үйді жаңадан салу бойынша арыз түсті. Тағы бес жүзге жуығы бірінші және екінші нарықтан сатып алынды. Енді Ақтөбе қаласынан 22, аудандардан үш баспана сатып алынады. Одан бөлек 100 пәтер сатып алу үшін жұмыс жүріп жатыр.
Нұршашқан Ізбасарова, энергетика және тұрғын-үй коммуналдық басқармасы басшысының орынбасары:
Облыс әкімдігі «Отбасы банкімен» бірлесіп, осы су тасқынынан зардап шеккен азаматтарға жеңіл түрде несиелеу арқылы 750 миллион теңгеге екі тараптан қаражат бөлініп, қазір 100 жүз отбасыға максималды 15 млн болатын тұрғын үйлерді сатып алу бойынша өзінің бағдарламасын бастап кетті.
Жақсыбек Кемал
