Жаңалықтарды Telegram арнамыздан оқыңыз!Абай күні Түркияда да аталып өтті. Ыстанбұл қаласындағы Абай алаңында ақынның туған күніне орай қазақ ұйымдарының басшылары мен зиялы қауым өкілдері жиналды. Қазақстанның Ыстанбұлдағы Бас консулдығының мұрындық болуымен өткен шарада хакім Абайдың ескерткішіне гүл шоқтары қойылып, ақынның өмірі мен шығармашылығы туралы әңгіме өрбіді. Қазақтар тығыз қоныстанған Зейтінбұрны ауданында орналасқан Абай ескерткішінің алды бүгінде қандастарымыз әрдайым бас қосатын жерге айналған. Бұл алаңда түрлі шаралар жиі өтіп тұрады.
Ерхан Йылдыз, «Қазақкент Алтай» қорының басшысы:
Біз Түркияда болсақ та, Қазақстандағы аталарымызды ұмытпай, олардың туған күнінде әртүрлі бағдарлама дайындаймыз. Бұдан бір ай бұрын домбыра күні болғанда мына жерде Абай атамыздың қасында Түркияда туып өскен қазақ балалары бір шара жасадық. Бәрі жақсы болды.
Зехра Жаналтай, Түркияда тұратын қазақ:
Біз алыста жүрсек те, Ыстамбұлда, Түркияда жүрсек те ақын атамызды Абайды еске аламыз. Бүгін сол үшін Түркия қазақтары Абай орталығында жиналып, еске алдық.
Айдос Әшімұлы
