Жаңалықтарды Telegram арнамыздан оқыңыз!Ақтөбе облысындағы Бесқоспа ауылдық округіндегі шаруа қожалығында бір уақытта 18 бас қара мал қырылып қалған. Қазір мамандар мұның себеп-салдарын анықтап жатыр. Мал өлекселерінен сынама алынды. Алдын ала болжам бойынша, ірі қаралар шөптен уланған болуы мүмкін.
Бердімұрат Бекжанов, Ақтөбе облысы ветеринария басқармасы басшысының міндетін атқарушы:
Ірі қара малдары жаңбырдан кейін шыққан улы шөптермен уланған деп алдын-ала диагноз қойылды. Өлекседен патологиялық материал алынды. Мал иесіне малдың жайылысын өзгерту туралы ескертілді. «Санжар-Т» шаруа қожалығындағы барлық жануарларға ветеринариялық іс шаралар жыл басынан бері жоспарлы түрде жүргізіліп келеді.
Раушан Сайлауқызы
