Қарағанды ферроқорытпа зауытында зардап шеккен жұмысшылардың 3-еуі ауруханада қайтыс болды. Денсаулық сақтау басқармасы денесінің 90%-ы күйген 25 жасар жұмысшының кеше кешке көз жұмғанын, ізінше түнде тағы 2 жұмысшының жан тапсырғанын хабарлады. 43 және 37 жастағы азаматтардың денесін әр түрлі дәрежеде күйік шалған.
Астанадан және Ресейден келген дәрігерлер барын салғанымен, аман алып қала алмады. Ауруханада тағы 4 науқас жатыр. Екеуінің жағдайы ауыр. Ал, екеуі интенсивті терапия бөлімінде. Естеріңізге сала кетейік, өткен сенбіде зауыттың пешінен жалын атқылап, 8 жұмысшы зардап шеккен болатын. Қылмыстық іс қозғалды. Өндіріс орны уақытша жұмысын тоқтатты.
Жандос Бақытұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қарағанды облысында күйік шалған жұмысшылардың үшеуі қайтыс болды&mh_tags=Qazaqstan&mh_page=https://qazaqstan.tv/index.php/news/196978/)