Жаңалықтарды Telegram арнамыздан оқыңыз!АҚШ президенті Джо Байден паркинсон ауруына шалдыққан жоқ. Оған қарсы дәрі ішіп, емделген емес. Мұны Ақ үйдің баспасөз хатшысы Карин Жан-Пьер дүйсенбі күні өткен брифингте мәлімдеді. Тағы бір сөзінде өкіл Құрама Штаттардың НАТО-дағы одақтастары Вашингтон саммиті қарсаңында Байденнің денсаулығына алаңдағанын жоққа шығарды. Мұндай күмән өткен жолғы теледебаттан кейін күшейді. Пікірталаста Америка лидері сөзден қайта-қайта шатасып, Дональд Трамптан ұтылып қалды. Осыдан кейін көптеген партияластары мен Конгресстегі 6 демократ, Байденді сайлауға қатысу жоспарынан бас тартуға шақырып отыр. Бірақ президент бұл ұсынысты қабылдамай, қарашаның 5-де негізгі мемлекеттік пост үшін бақ сынауға бел буған.
Арыстан Рысбек
