Сондай-ақ, Көкшетау қаласында да, тасқыннан зардап шеккен отбасыларға пәтер кілті табысталды. Олардың баспанасы тұруға жарамсыз болып қалған. Бұл арнайы комиссияның шешімі. Жалпы өңірде су кірген екі мыңға жуық үйдің 500-ден астамы апатты, деп танылды. Сондай-ақ, бүгін үй кезегінде тұрған тағы 8 адам баспаналы болды. Олардың қатарында көпбалалы аналар, зейнеткерлер және әлеуметтік аз қамтылған отбасылар бар. Облыста баспана алу үшін 9 мыңнан аса адам кезекте тұр.
Раиса Доғалақова, көпбалалы ана:
18 жыл күттім. Он балам бар. Зейнеткермін. Немерем бар. Шөберелерім бар. Біз сияқты көпбалалы аналардың барлығы үй алатын болсын. Қуаныштымын.
Ұмсындық Наурызбаева
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Көкшетауда 15 отбасы баспаналы болды&mh_tags=Qazaqstan&mh_page=https://qazaqstan.tv/index.php/news/196197/)